Vice pinasisikat si Calvin sa Showtime
SEEN: Ang re-shoot ng Cain at Abel stars dahil dinagdagan ang mga exciting scene para lalong mapaganda ang pilot week ng primetime television series ng GMA 7 na tinatampukan nina Dennis Trillo at Dingdong Dantes. Sina Mark Reyes at Don Michael Perez ang mga direktor ng Cain at Abel.
SEEN: Halos araw-araw na napag-uusapan sa It’s Showtime si Calvin Abueva kaya parang si Vice Ganda ang publicist niya dahil naipo-promote siya nang husto sa noontime show ng ABS-CBN.
SEEN: Ang taping sa Lake Caliraya, Laguna ng cast ng Victor Magtanggol. Kinunan sa Lake Caliraya ang mga big scene ng primetime teleserye ng GMA 7 na magwawakas bukas, November 16.
SCENE: Matindi na ang kaba na nararamdaman ni Patricia Javier para sa 20th showbiz anniversary concert niya na magaganap bukas sa Music Museum. Special guests ni Patricia ang mga anak na sina Robert at RJ at ang kanyang mga dating kasamahan sa That’s Entertainment.
SEEN: Ang Philippine Star columnist na si Wilson Flores ang nanalo ng Hall of Fame award ng Catholic Mass Media Award para sa Best Opinion Writer. Ipagkakaloob ngayon kay Flores ang parangal sa Star Theater, CCP Complex, Pasay City.
SCENE: Bumalik sa Pilipinas noong Martes ang American Idol finalist na si David Archuleta dahil performer siya sa David Archuleta and Friends, ang benefit concert niya na itatanghal sa New Frontier Theater sa November 16.
- Latest
