Boracay paraiso na uli, Cristine at Coleen rumampa na agad

Paraiso na uli ang Boracay.

Wala nang palatandaan ng dating marumi, maingay, makalat at crowded na isla sa Aklan.

Ibang-iba na, malinis na ang tubig sa dagat. Wala na ang coliforms (Fecal coliform bacteria are a sub-group of total coliform bacteria. They appear in great quantities in the intestines and feces of people and animals. The presence of these bacteria indicates that your well water is contaminated with feces or sewage, and it has the potential to cause disease - epi.publichealth.nc.gov).

Kahapon sa opening, nakakamang­ha ang pagbabago. As in makakapaglakad ka na ng barefoot sa white sand na wala kang takot na masusugatan ka.

Sobrang linaw na rin ng tubig at kalmado na ang paligid. Kaya andito na agad sina Cristine Reyes, Coleen Garcia, Rufa Mae Quinto, Rafael Rossel, Eric Santos and 10 Miss Earth candidates.

Anyway, six months ni-rehabilitate ang isla sa pangunguna ng DPWH (Sec. Mark Villar), DOT (Sec. Berna Romulo-Puyat), DILG  (Sec. Ca­talino Cuy) and DENR (Roy Cimatu).

Ang dating lugar na halos hindi na madaanan dahil tinayuan na ng establishments ay may kalsada na at passable na sa mga sasakyan.

Naalala ko na may mga bar ang nasabing lugar, nagsisiksikan at karamihan ay nag-iinuman pero ngayon, ang haba ng kalsada.

Ayon kay Sec. Mark, gumastos sila ng P490 million – full package na ‘yun – mga kalsada, drainage, lahat ng mga infrastructure na itinayo dito na almost P80% na ang tapos sa first phase.

By December, estimate ni Sec. Mark, 100 % done na ang first phase ng rehabilitation.

“I’d like to commend our hardworking crew and officials in DPWH Region VI who were able to make the entire Boracay Circumferential Road passable to the public. They completed significant improvements on existing highway and opened the missing gap just in time for Boracay Island’s opening,” said Secretary Villar.

Nang makausap naman namin si Sec. Berna Puyat-Romulo, magiging mahigpit daw ang implementation ng bagong rules and regulation. Mas wholesome na rin ito at hindi na lang sa mga gustong mag-goodtime o mag-party. Mas pang-pamilya na.

Lahat rin ng existing na batas ay ipatutupad para mapangalagaan ang kalikasan.

“Ito ang gusto ni Presidente Duterte, ang ipatupad ang mga ordinansa,” sabi ni Sec. Berna.

Marami na ring bawal tulad ng inuman sa shore at ma­ging ang paggawa ng sand castle.

Salamat naman talaga at bumalik na sa dating ganda ang Bora.