Piolo ayaw pag-usapan ang conflict sa Marawi!

Kumpirmadong si Joyce Bernal na ang magiging direktor ng pelikulang tungkol sa Marawi na Children of the Lake.

Kasama rin bilang mga producer ni Piolo Pascual ang direktor para sa nasabing proyekto.

Matatandaang si Sheron Dayoc ang unang napabalitang gagawa ng nasabing pelikula pero nag-resign ang direktor kamakailan. “She’s taking over. That’s why we released a statement. This movie is not about us. It’s about Marawi. So we don’t want to talk more about the conflict. It’s already been said in the statement,” makahulugang bungad ni Piolo.

Sinisiguro raw ng aktor na hindi makakaapekto sa pelikulang gagawin ang pagre-resign ni direk Sheron. “We’ve been pushing through with the project. We’ve been revising the script just to be able to cater to what we really want to showcase and what we really want to show. It’s got nothing to do with our director. Schedules, script and all, logistics. And as I’ve said before, we were not allowed to shoot for a month because there were still IED’s that were undiscovered. So safety-wise, we were advised by the AFP not to shoot. So we had to wait. Good thing for us because we’re working on the script. So even if our director is not with the group anymore, we never stopped. Actually in October we are shooting already,” pagbabahagi ni Piolo. “We are not political. That’s what we’ve been avoiding. This is not a political film, not at all,” dagdag pa niya.

Glaiza ramdam ang balikan nina Angelica at Carlo

Matalik na magkaibigan sina Angelica Panganiban at Glaiza de Castro at ayon sa huli ay talagang ramdam niya kung ano ang lagay ng puso ni Angelica ngayon.

May bulung-bulungan na posibleng nagkabalikan na si Angelica at Carlo Aquino at nasasaksihan daw ni Glaiza kung paano kumilos ang dalawa kapag magkasama. “Feeling ko talaga meron ‘yang dalawang ‘yan eh, siyempre ‘pag may matagal kayong pinagsamahan. Nakakatawa lang kasi no’ng birthday ni Caloy, tawang-tawa lang ako sa mga nangyayari. Di ko alam magpo-propose ba o meron bang hindi ko alam basta nakakakilig na nakakatawa na nakakabitin na ewan,” natatawang kwento ni Glaiza.

Magiging masaya umano ang aktres kung sakali mang magkabalikan talaga sina Angelica at Carlo. “Di natin masasabi eh. Kasi parang matagal mong nakasama ang isang tao, I think hindi mawawala ‘yung care, hindi mawawala ‘yung love ‘di ba, ano mang klaseng love ‘yan. So sila na lang bahala makiramdam. Pero siyempre the way we see it, natutuwa kami do’n sa muli silang nagsama,” paliwanag ni Glaiza.