Catriona, handang-handa na sa Miss Universe
Puspusang paghahanda na ang ginagawa ng Miss Universe Philippines na si Catriona Gray para sa nalalapit niyang laban sa Miss Universe sa December.
Gaganapin sa Thailand ang pinakaaabangang beauty pageant. “It’s that I want to prepare early kasi I don’t want to get stressed in November. I really just want to relax, refresh and review. I don’t want to be stressing about costumes or clothing this, like that,” nakangiting bungad ni Catriona.
Ayon sa beauty queen ay maganda naman ang exposure ng mga kandidata ng Miss Universe sa social media lalo na’t naipakikilala sila sa sariling website nito.
Samantala, kamakailan ay nakasamang rumampa ni Catriona si Miss USA Sarah Rose Summer sa New York Fashion Week. Magkakalaban din ang dalawa sa nalalapit na Miss Universe. Isang malaking karangalan umano para sa dalaga na mapabilang sa nasabing event. “They requested me to do the fashion show, which for me was a huge thing. ‘Oh my God, are you serious? You’re like joking?’ It’s never been done other than Miss USA of course,” kwento ni Catriona.
Tony dating sumasali sa gymnastics
Gaganap bilang isang gymnast si Tony Labrusca sa pelikulang Double Twisting Double Back para sa CinemaOne Originals Film Festival 2018 na ipalalabas mula October 12 hanggang 21.
Malapit sa puso ng binata ang karakter dahil nahilig din sa gymnastics si Tony walong taon na ang nakalilipas. “I started when I was 15 (years old) and I was homeschooled. I had nothing better to do with all my free time so I joined gymnastics. I stopped when we moved to Canada. I didn’t find it fun anymore. I’m into running races now,” pagbabahagi ni Tony.
Masayang-masaya ang baguhang aktor dahil sa pagkakapili sa kanya para sa nasabing proyekto.
Ang nasabing proyekto ang kauna-unahang pelikulang Pinoy na tungkol sa mundo ng male gymnastics. Para kay Tony ay kailangang pakaabangan ng mga manonood ang kanyang bagong pelikula dahil makare-relate ang lahat dito. “People lie and cheat each other all the time. I don’t think that’s new these days. I related to my character by his pure heart. Everyone sins but it’s precious when there are those who have kept some of their innocence,” makahulugang pagtatapos ni Tony.
- Latest
