Glaiza iniurong na ang reklamo!

Empoy minali ang English

SEEN: Deleted na ang tweet ni Glaiza de Castro tungkol sa work-related policies tulad ng salary deduction sa mga tardy worker pero walang overtime pay sa halos 24 oras na pagtatrabaho.

 “In relation to my recent tweet, bilang ang daming nagtatanong kung para saan ba talaga o para kanino o kung kaninong experience, I would like to clarify na it’s a general statement,” ang paliwanag ni Glaiza na gumawa ng sariling isyu na hindi naman niya napanindigan.

SCENE: Tuloy ang “gamitan” nina Ahron Villena at Kakai Bautista sa Harry & Patty, ang pelikula nila na ipalalabas sa mga sinehan sa August 1.

SEEN: Pinaghahandaan na nina Tom Rodriguez at Carla Abellana ang kanilang kasal pero hindi pa ito mangyayari ngayong taon.

SCENE: Sinadya ni Empoy Marquez ang mga wrong English grammar niya sa presscon ng Kusina Kings para matawa ang entertainment writers.

SEEN: Matagal nang magkaibigan sina Empoy at Zanjoe Marudo kaya komportableng-komportable sila sa isa’t isa sa shooting ng Kusina Kings, ang comedy movie ng Star Cinema.

SCENE: Kasama ni Enzo Pineda ang buong pamilya niya sa Kuala Lumpur, Malaysia. Pinanood ng Pineda family ang boxing match nina Senator Manny Pacquiao at Lucas Matthysse. Ang tatay ni Enzo ang isa sa mga business manager ni Pacquiao.

SEEN: Walang trapik kahapon sa Metro Manila dahil bukod sa nakatutok ang karamihan sa live telecast ng Pacquiao-Matthysse fight, maulan ang panahon kaya tinamad na lumabas ng bahay ang mga tao.

SCENE: Bumalik sa Pilipinas ang Korean actor na si Alexander Lee para i-promote ang bagong single niya. Si Lee ang leading man ni Heart Evangelista sa defunct show na My Korean Jagiya.