Andi aminadong promdi na!

Dalawang taon na ang nakalilipas nang huling gumawa ng pelikula si Andi Eigenmann. Ngayon ay muling mapapanood ang aktres sa pelikulang The Maid In London na mapapanood na sa mga sinehan simula sa July 4. Kamakailan ay nakapag-post si Andi sa kanyang Instagram account na tatalikuran na ang show business kaya marami ang nagulat sa kanyang pagbabalik ngayon. “I didn’t quit. Sobrang confusing kasi I did an interview in a TV show. (CNN Philippines) talked about me, just wanting to give myself another chance like to ‘do me’ and I said ‘I wanted to quit and get out of showbiz life’ but it didn’t necessary mean to quit the life of an actor,” paglilinaw ni Andi.

Ayon sa aktres ay pansamantala lamang ang kanyang pananatili sa Maynila at sa probinsya na talaga siya naninirahan sa kasalukuyan. “If ever po may offers para gumawa ng certain na pelikula, game naman po ako para doon. Hindi na po ako taga-Manila, taga-Baler, Aurora na po ako. I’m here, I’m back in Manila to help and support the movie also, but I’m just visiting,” nakangiting pahayag ni Andi.

Pia ayaw ng ka-loveteam

Maraming proyekto sa ABS-CBN ang pinaghahandaan nang gawin ni Pia Wurtzbach. Matatandaang nagbida ang beauty queen sa pelikulang The Revengers Squad noong Metro Manila Film Festival 2017 at My Perfect You ilang buwan na ang nakalilipas.

“We are planning some things but I can’t reveal them yet. They’re very exciting. May show, may movie. For now it’s really in the works. As soon as we’re all ready, we’re going to share it with everyone and I am excited. We’re still planning everything and I want to wait for ABS-CBN’s go signal before I can share anything. But definitely I’m happy with ABS-CBN. They’ve been taking good care of me and really planning out my career for the next year,” nakangiting pahayag ni Pia.

Hindi raw mahalaga para sa Miss Universe 2015 kung sino ang makakatambal sa pelikula pero ang karakter na gagampanan ang kanyang iniisip. “Hindi ko naiisip ‘yung leading man. Ang iniisip ko ‘yung magiging role ko, ‘yung challenge sa akin eh. I think I want to focus on that so I can hone my acting skills. So instead of a love team, I want to try something different. Basta secret, but you guys will all love it,” giit ng dalaga.

Samantala, magdadalawang taon nang magkasintahan sina Pia at Marlon Stockinger. Maayos na maayos umano ang takbo ng relasyon ng dalawa ngayon.

“He’s very Swiss, taking his time getting ready and sleeping. We’re both very competitive, he’s a racecar driver so innate na competitive. It works in our favor. But I’m crazier than him because I feel like I come up with most of the jokes,” natatawang kwento ni Pia.