Abra waging Best Actor sa URIAN!
Malaking tulak sa kasikatan ng rapper na si Abra ang pagwawagi niya ng Best Actor award sa ginanap na Gawad Urian para sa pelikulang Respeto. Inihandog niya sa mga kasamahan niya sa movie ang kanyang victory. Malalaki at datihan nang winner ang mga tinalo niya bilang Best Actor, tulad nina Empoy Marquez, Allen Dizon, RS Francisco, Jojit Lorenzo, Sandino Martin, Justine Samson, Noni Buencamino, Timothy Castillo at Noel Comia, Jr.
RK tinulugan si Kim
Marahil kung ginamit lamang ni RK Bagatsing ang impluwensya ng magaling at sikat niyang kapatid na artista na si Raymond Bagatsing ay mas mabilis siyang nakilala at sumikat bilang artista.
Hindi na sana niya pinagdaanan yung maraming rejections na tinanggap niya sa mga ginawa niyang audition kasama na ang Pinoy Big Brother. That time ay wala pa siyang tiwala sa kanyang sarili, kung kaya nahiya siyang magpatulong dito.
In the long run ay nabigo siya, at to the rescue naman agad si kuya. Naungusan pa nito ang pagiging kapatid niya at nagsilbing second father niya sa ginawa nitong pagtulong sa kanya at naglagay sa kanya sa posisyon niya ngayon sa kasalukuyan. Pagkatapos niyang manalo ng acting award sa Wildflower, magkasama sila ni Kim Chiu na gumaganap sa isang episode ng Ipaglaban Mo bilang selebrasyon ng anibersaryo nito.
Inamin ni RK na agad siyang na-starstruck kay Kim nang magkatrabaho sila kung kaya minsan ay nagpanggap pa siyang natutulog para hindi nito mahalata ang tensyon niya in her presence. Pumunta sila ni Kim ng Korea para dun mag-taping ng ilang mahahalagang eksena. Kasama rin siya sa seryeng Araw Gabi nina JM de Guzman at Barbie Imperial.
Nagpa late sa shooting, Nathalie nakatikim ng BAGSIK ni Cristine
Nasampulan pala si Nathalie Hart ng galit ni Cristine Reyes dahil minsan ay na-late ito ng dating sa set ng movie nilang Bitch Wedding (Abay Babes). Dito nagsimula ang sinasabing hindi nila pagpapansinan at hindi pagsasama sa isang holding tent. Nagpapakapropesyonal naman ang dalawa sa pagpapanatili ng katahimikan sa kabila ng kanilang hindi pagkakasundo. Marami ang naniniwala na ang mabilis na pag-init ng ulo ni Cristine ay bunga ng sigalot sa marriage niya.
- Latest