Claudine kunsintidor sa galit ng anak kay Raymart?!

KZ gamit na gamit si Jessie J para pag-usapan; James sinagot ang problema nila ni Direk Antoinette!

SEEN: Pinatunayan ni Maja Salvador sa kanyang concert sa Kia Theatre noong Biyernes na siya ang bagong Dance Concert Queen. Special guests ni Maja sina Maymay Entrata, Paulo Avelino at ang kanyang bestfriend na si Kakai Bautista.

SCENE: Hindi dapat i-encourage ni Claudine Barretto ang pagtatanim ng sama ng loob kay Raymart Santiago ng kanilang anak na si Sabina dahil may girlfriend na ang aktor. Dapat magpasalamat si Sabina dahil sa pagmamahal at tunay na anak na trato sa kanya ni Raymart.

SEEN: Itinanggi ng mga kaibigan ni Claudine Barretto na manliligaw ng aktres ang lalake na kasama niya sa renewal of vows nina Gladys Reyes at Christopher Roxas sa Tagaytay City noong Enero 2018. Harmless ang date ni Claudine ang “we swear” na sabi ng mga kaibigan niya.

SCENE: Ang pictorial noong Biyernes ng Cry No Fear, ang thriller movie ng direktor na si Richard Somes na pinagbibidahan nina Ella Cruz at Donnalyn Bartolome. Best movie ni Somes ang reaksyon ng mga nakapanood sa trailer ng Cry No Fear.

SEEN: Ang Hoops Dome sa Lapu Lapu City ang venue ng Revolution concert nina James Reid at Nadine Lustre sa Cebu sa May 19, 2018.

SCENE: Walang reaksyon ang direktor na si Antoinette Jadaone sa mga intriguing tweet ni Cathy Garcia Molina tungkol kina James Reid at Nadine Lustre dahil siya ang nagsimula ng isyu.

SEEN: “Lie” ang sagot ni James Reid sa Legit or Lie game sa guesting niya sa Tonight with Boy Abunda. Tungkol sa tampuhan nila ni Antoinette Jadaone ang itinanong ni Boy kay James na sinagot nito ng “lie.”

SCENE: Guest si James Reid sa Tonight with Boy Abunda noong Biyernes dahil nag-promote siya ng Never Not Love You, ang pelikula nila ni Nadine na ipalalabas sa mga sinehan sa Black Saturday, March 31.

SEEN: Gamit na gamit si Jessie J sa mga publicity ni KZ Tandingan mula nang sumali ito sa Singer 2018. Magaling na singer si KZ kaya hindi niya kailangan si Jessie J para mapag-usapan siya.