Mocha Uson binanatan ni Ed Lingao
Marami sa sumama sa EDSA Revolution at tumulong sa pagbabalik ng demokrasya sa bansa ang na-turn off sa mga kadramahan ni PCOO Asec Mocha Uson sa mga naging kaganapan sa EDSA Revolution 32 years ago. Anibersaryo ngayon ng EDSA Revolution, marami ang nagbuwis ng buhay para makamtan natin muli ang demokrasya at hindi ito naging madali kaya huwag nating babastusin.
Mabuti na lamang at may isang Ed Lingao na naglagay kay Asec Mocha sa tama niyang kalalagyan sa Facebook account nito. Sinabihan pa siya nito na siyang nagdadrama sa kanyang mga pinaggagagawa na ipinamamalas pa niya sa publiko.
Awwwww, sakit naman!
Dahil sa ginawa kay Robin, Aljur mas gaganda ang karera
Marami ang humanga sa ginawang pagpapakumbaba ni Aljur Abrenica kay Robin Padilla nang magpasya itong harapin na ang ama ni Kylie Padilla para ma-settle na ang isyung hadlang sa pagitan nila ng action star at sa pagitan ng mga pamilya nilang Padilla at Abrenica.
“Sana ay noon ko pa ginawa ito. Masarap pala ang feeling na makita kong masayang-masaya si Kylie. Pero kasi takot na takot ako noon na baka tanggihan ako ni Tito Robin. Pero sa ginawa niyang pagtanggap sa amin, mas humanga pa ako sa kanya (Robin),” kuwento ni Aljur kay King of Talk Boy Abunda.
Sa naging kaganapan ng pamamanhikan, naniniwala ang lahat na mas gaganda pa ang karera ni Aljur sa bago niyang bahay sa ABS-CBN.
Kamalditahan ni Ryza apektado si JC
Marami ang naniniwala na nakaapekto nang malaki sa box-office ng pelikulang pinagbidahan ni Ryza Cenon na Mr. & Mrs. Cruz ang napakasalbahe niyang role sa TV series na Ika-6 Na Utos.
Baka kung pinalampas muna ng nagprodyus ng movie nila ni JC Santos ang ilang panahon para tuluyang makalimutan ng manonood ang kanyang kasalbahehan sa TV ay baka mas pumatok pa ang Mr. & Mrs. Cruz.
- Latest