‘Fbois’ gustong tularan ang kapalaran ng bagets
Hindi na gaanong matatandaan ng mga millennials ang 1984 youth-oriented hit movie ng Viva Films, ang Bagets na naging launching movie ng young and fresh talents noon na sina Wiliam Martinez, Herbert Bautista, J.C. Bonnin, Raymond Lauchengco, at Aga Muhlach. Ito’y mula sa panulat ng yumaong si Jake Tordesillas at ng yumao na ring filmmaker na si Maryo J. delos Reyes.
Hindi lamang nag-set ng trend nung 80’s ang Bagets kung hindi naging simula rin ito ng respective solo career ng bumubuo ng cast na kinabilangan din nina Eula Valdez, Jobelle Salvador, at Yayo Aguila.
Up to this day, ang salitang bagets ay tanggap pa rin maging ng millennials referring to “young”.
Ang upcoming youth-oriented movie ng Viva Films na Squad Goals #FBOIS na idinirek ni Mark Meily reminds us of the Bagets movie nung 80’s.
Ito’y tinatampukan ng young, upcoming talented boys na binubuo nina Julian Trono (#flyboi), Vitto Marquez (#fitboi), Andrew Muhlach (#funnyboi), ang Fil-Australian na si Jack Reid (#fastboi) at ang Fil-German guy na si Dan Hushcka (#funkyboy).
Juday at Claudine movie tuloy na, Gladys sabit sa eksena!
Isang very reliable source ang nagbalita sa amin na balak umano ng Star Cinema na pagsamahin sa isang pelikula sina Judy Ann Santos, Claudine Barretto, at Gladys Reyes.
Kung tutuusin ang movie project na pagsasamahan nina Juday at Claudine ay nung taong 2015 pa lumutang pero mukhang matutuloy na ito this year at madadagdag sa cast ang co-star ni Juday nung 90’s sa Mara Clara, ang best friend at kumare niyang si Gladys Reyes.
Kung ito’y matutuloy, maganda itong pang-Mother’s Day presentation at magsisilbi itong movie comeback ni Claudine.
Siguro ngayon pa lamang ay kailangan nang magbawas ng kanyang timbang si Claudine para mapaghandaan ang napipintong proyekto nila nina Juday at Gladys.
Richard nakabawi nang maging bampira
Very thankful ang Kapamilya actor na ngayong si Richard Gutierrez sa pamunuan ng ABS-CBN at bumubuo ng magtatapos na primetime TV series na La Luna Sangre dahil na-revive nito ang kanyang career na may kung ilang taon ding nagpahinga.
Main antagonist man ang ginampanan ni Richard bilang si Gilbert Imperial, ang supremo ng mga bampira sa La Luna Sangre na pinagsamahan nila nina Kathryn Bernardo at Daniel Padilla, lutang na lutang ang kanyang character maging ang pag-arte sa kauna-unahang role na ipinagkatiwala sa kanyang network. Sobrang nagmarka ang kanyang papel sa mga manonood at patuloy na sumusubaybay sa serye hanggang sa pagtatapos nito sa susunod na Biyernes, March 2. Hindi rin lulutang ang mga character nina Kathryn as Malia at Daniel bilang si Tristan kung hindi rin dahil sa papel na ginagampanan ni Richard.
Samantala, timing ang nalalapit na pagtatapos ng La Luna Sangre dahil matututukan naman ni Richard ang nalalapit na panganganak ng kanilang 2nd baby ni Sarah Lahbati.
Kung excited ang engaged couple, ganundin kasabik ang kanilang panganay na si Zion dahil magiging kuya na siya at magkakaroon na ng kalaro.
Bukod sa nalalapit na panganganak ni Sarah, mahaharap na rin ni Richard ang shooting ng reunion movie nila ni Angel Locsin sa bakuran ng Star Cinema habang pinagpaplanuhan naman ng ABS-CBN ang next TV assignment ni Richard.
Robin ayaw makialam sa kasal nina Aljur at Kylie
Ayaw ipre-empt ni Robin Padilla ang petsa ng pagpapakasal ng engaged couple na sina Aljur Abrenica at Kylie Padilla dahil gusto niyang ang dalawa mismo ang magsabi o magbalita nito.
Mahigit isang taon ding hindi kinibo ni Robin ang kanyang magiging manugang na si Aljur.
Kung hindi pa namanhikan last Saturday evening si Aljur at ang kanyang pamilya sa tahanan ng mag-asawang Robin at Mariel Rodriguez kung saan naroon din ang ina ni Robin at lola ni Kylie na si Mommy Eva Cariño maging ang ina ni Daniel Padilla na si Karla Estrada ay hindi pa siguro magkakabati hanggang ngayon sina Robin at Aljur.
- Latest