Karla takot makabuntis si Daniel!

Sa isang segment ng Magandang Buhay, nagawang maiparating ni Karla Estrada sa mga manonood ng matagum­pay nilang palabas nina Melai Cantiveros at Jolina Magdangal na Magandang Buhay ang kanyang sentimiyento tungkol sa pag-aasawa ng anak niyang si Daniel Padilla.

Bagaman at alam na niya kung ano ang ipatatatawag niya sa kanyang mga magiging apo, sinabi ni Karla na hindi pa siya handang maging lola. Lubhang napakabata pa ng kanyang binata para pasukin ang pag-aasawa gayung marami pang magagandang bagay ang maaari nitong asahan sa pag-aartista.

Bagaman at bata pa siya ng iluwal si Daniel ay masaya siyang nararamdamang hindi susunod sa kanyang bakas si Daniel. Mukha namang naipaabot niya rito ang kabutihan ng pag-aasawa sa tamang oras, dahil kahit in love na in love ito kay Kathryn Bernardo ay hindi pa niya nakikita sa plano ang paglagay sa tahimik.

Jed may kakaibang gimik sa concert

May concert si Jed Madela nga­yong Va­lentine’s Day na tinawag niyang All About Love na magaganap sa KIA Thea­ter. Para umayon sa panahon ng mga puso ang palabas, ibinukas niya ang AAL para maging venue sa mga couple na gustong magkaroon ng marriage proposal. Kakantahan pa niya ang mga ito habang nagaganap ang pagpu-propose. 

Kakaibang concept ‘yon na naisip ng magaling na singer para maiba ang kanyang concert sa napakaraming concert na ginaganap sa mga panahon ng Valentine. Good idea!

Kristoffer bumenta na ring singer

Marami ang nasisiyahan na ang awitin ni Kristoffer Martin na Paulit-ulit ang gagawing theme song ng isang Koreanovela na mapapanood sa GMA na pinamagatang Fight For My Way. Isa si Kristoffer sa magagaling na Kapuso actor na marunong ding kumanta at tumugtog ng gitara.

Pansin lang ng ilang netizens na sa kabila ng nakauungos siya sa maraming artista ng istasyon ay matiyaga siyang hinihintay ang kanyang panahon at hindi agresibong mapabilis ang pagdating ng stardom.

Jenine takot na takot na may sariling bahay na si Janella

Kaya naman pala worried si Jenine Desiderio sa lumalalim na relasyon ng kanyang anak na si Janella Salvador kay Elmo Magalona ay dahil nakapagpundar na ito ng sariling bahay. Siyempre nga naman naroon ang posibilidad na matigil ang pag-angat ng buhay nito kapag nalulong sa pag-ibig.

Siguro ay nagkulang lamang si Janella ng pagbibigay ng assurance sa kanyang ina na wala itong dapat ikatakot.

Ginawa mo ba ito, Janella?

Ruru may natutunan sa aso

Nawala na talaga ang takot ni Ruru Madrid sa mga aso simula nang makasama niya sa trabaho ang Kapuso wonder dog na si Serena. Hindi na siya tulad ng dati na sobra ang ilap sa mga aso kapag nalalapitan nito. In fact, aminado si Ruru na ang petmalung si Siri ang nagturo sa kanya na ‘wag nang katakutan ang mga aso. Sa Instagram stories nga ni Siri, makikita ang mga candid moment ng dalawa lalo kapag off-cam. Talaga ngang BFF na ang tu­ringan nilang dalawa.