Trip ni Kris tatapatan nina Pia at Marlon!

Seen: Natupad na ang misyon ni Jericho Rosales na puntahan ang San Juanico Bridge at magpakuha rito ng litrato, sakay ng motorsiklo niya bilang tribute sa kanyang pumanaw na ama na si Santiago Rosales.

Scene: Naging inspirasyon ni Jericho Rosales ang litrato ng tatay niya na nagpakuha rin ng litrato sa San Juanico Bridge, maraming taon na ang nakalilipas.

Scene: Dumalo si Kylie Padilla sa birthday dinner ng Encantadia director na si Mark Reyes noong Martes sa Makati set ng telefantasya ng GMA-7.

Seen: Ang OA na facial reactions ni Jao Mapa nang sumali ito kahapon sa Jackpot En Poy game segment ng Eat Bulaga. Very ‘90’s ang mga kilos ni Jao na sobrang conscious sa harap ng mga TV camera.

Scene: Ang unfair tag na Miss Universe to starlet kay Pia Wurtzbach dahil sa kanyang mga kikay video at post sa social media.#NagpapakatotooLang.

Seen: Kulang pa sa ingay ang television special ni Kris Aquino na Trip Ni Kris kaya kailangan niya ng isang matinding isyu para magkaroon ng public awareness sa kanyang programa na mapapanood sa GMA 7 sa April 9.

Scene: Ang balita na itatapat sa Trip Ni Kris ang exclusive interview ni Vice Ganda sa lovers na sina Pia Wurtzbach at Marlon Stockinger sa April 9 episode ng Gandang Gabi Vice ng ABS-CBN.