Maine masusubukan kung natural ang akting
Obvious ba na may nalalaman sa pag-arte si Maine Mendoza? Aba, eh walang workshop, pero isinalang agad sa My Bebe Love #KiligPaMore na isang full length movie at full length din ang role niya.
Sabi nga ni Vic Sotto, “She’s a natural!” May tutol pa ba kayo?
Panoorin ang movie para mapatunayan ito.
Daniel at Phillip magbabakbakan sa Bulacan
Magkakalaban pala ang dalawang matinik na aktor sa pelikula na sina Daniel Fernando at Phillip Salvador para sa pagka-bise gobernador ng Bulacan. Sige lang, basta walang away-away at pagkatapos ng eleksyon ay friends pa rin kayo. Huwag n’yong hayaan ang pulitika na paghiwalayin kayo!
Vic at Pauleen ayaw makadagdag sa trapik
Nag-shopping pala sa Hong Kong ang mga ikakasal na sina Vic Sotto at Pauleen Luna. Mabuti pa nga dahil kung dito nila gagawin ang pamimili, aba eh magiging cause pa sila ng traffic na hindi ko naman alam kung bakit pa-grabe nang pa-grabe.
Glaiza nadala nang maayos ang sexy outfit
Nagpaka-sexy nga ba si Glaiza de Castro sa get up niya sa katatapos na Christmas party for the press ng GMA? Ako I did not find anything wrong with her dress, nilagyan pa nga niya ng outer coat ito.
Uso na ngayon ang shorts at strapless top sa anumang okasyon. Basta madadala lang ng maayos at nagawa naman niya, ‘di ba?
- Latest
