Coco walang kapaguran basta para sa pamilya
Kaya tuluy-tuloy ang biyayang natatanggap ni Coco Martin ay dahil sa pagmamahal nito sa kanyang pamilya. Ayon sa aktor, hindi siya napapagod magtrabaho alang-alang sa pamilya.
Katunayan, hindi lang siya naging mabuting anak kundi mabuti ring kapatid. Kahit hiwalay na ang mga magulang niya ay maayos ang buhay nila.
Sama-sama silang magkakapatid sa malaking bahay. Nagpaplano rin ang aktor na magtayo ng negosyo para sa mga kapatid.
Nagpapa-aral din siya ng mga nakababatang kapatid.
Ogie tiwala sa judges ng Rising Stars
Magsisimula na ngayong gabi ang Rising Stars Philippines hosted by Ogie Alcasid. Naitanong namin kay Ogie kung wala ba siyang final say sa pagpili ng grand winner.
Sey ng host ‘‘Magagaling lahat ng mga judges na sina Nina, Jimmy Bondoc at Papa Jack. Wala akong pakialam sa pipiliin nilang grand winner. Wala akong karapatan dahil naniniwala ako sa galing ng judges. Basta’t ang sinasabi ko lang ay galingan nila at ibigay ang lahat-lahat para manalo.’’
Personal...
Binabati namin si Francia Che Conrado, MTRCB (Movie and Television Review and Classification Board) Board Member dahil natanggap nito ang Outstanding Alumni ng University of Nueva Caceres, sa Naga City, Camarines Sur. Siya rin ang Charter president ng QC Matanglawin Executive Lions Club at secretary ng FAMAS Awards.
Si Francia ay maybahay ni Eloy Padua na pangulo ng FAMAS.
- Latest
