Kahit 2015 na, Raymart wala raw suwerte sa pag-aasawa
Uso na naman ang mga hula-hula sa pagpasok ng taong 2015. Mabenta ngayon ang psychic na si Maricel Gaskel na nagsabing maganda naman ang takbo ng relasyon nina Vic Sotto at Pauleen Luna kaya lang wala pa ring magaganap na kasalan sa taong ito.
Idinagdag pa rin ni Gaskel na maraming kasalang magaganap sa 2015 pero bihira ang mga maghihiwalay.
Malabo na ring magkabalikan pa sina Raymart Santiago at Claudine Barretto dahil hindi sila compatible sa maraming bagay. Hindi sinuwerte si Raymart sa kanyang pag-aasawa.
Arnold hulog ng langit sa mga batang may diabetes
Malaking bagay ang naitutulong ni Arnold Clavio sa mga bata sa pamamagitan ng kanyang Diabetes Foundation. Nakakaawa ngang tingnan ang isang bata na sa murang edad ay nagsasaksak na ng insulin.
Kamakailan ay nagdaos ng concert si Igan na pinamagatang RAPSARAP para sa mga batang diabetikong sa PETA Theater Center. Naroon ang sampung batang tinutulungang maipagamot kasama ang 40 batang diabetiko mula sa Department of Pediatrics ng UP-PGH.
Ikalawang beses nang nagtamo ng MWWF Gintong Palad Public Service Award si Arnold dahil sa kanyang pagiging matulungin sa kapwa laluna sa mga bata sa pamamagitan ng kanyang Diabetes Foundation.
- Latest
