Regine naghahanap ng magaling na singers, dancers, novelty performers, etc
Oh ha simula ngayong Hulyo, magsisimula na ang auditions ng pinakabagong aabangang reality-talent search ng Kapuso Network, ang Bet ng Bayan. Kasama sa paghahanap ng mga Pinoy home-grown talents ang hosts ng programa na sina Asia’s Songbird Regine Velasquez -Alcasid at Kapuso prime leading man na si Alden Richards.
Sa Bet ng Bayan, matutunghayan ang pagsasama-sama ng mga pinakamagagaling na Pinoy singers, dancers, at iba pang novelty performers sa bansa. Kaya naman inaanyayahan ang mga solo, duo, at group performers na may edad 15 years old pataas na makibahagi sa nationwide auditions ng programa na magaganap sa mga sumusunod na lugar mula 10am hanggang 6pm: SM City Bacolod (July 25 & 26); SM City Cebu (July 25 & 26); SM City Fairview (August 1 & 2); SM City Sta. Rosa (August 1 & 2); SM City Gen. Santos (August 1 & 2); Iligan (Gaisano) (August 2 & 3).
Ang mga aspirant ay kinakailangang magdala ng birth certificate, picture, at ID with address. Kailangan din na maghanda ng 1-minute act ang bawat aspirant para sa audition. Para sa karagdagang impormasyon, bisitahin lang ang www.facebook.com/BetNgBayan.
Pagsasama sa trabaho nina Kris at Derek itutuloy na rin
Mukhang matutupad ang wish ni Kris Aquino na makasama si Derek Ramsay sa isang project. ‘Yun nga lang hindi pelikula o palabas sa TV ang gagawin nila kundi isang commercial daw. Pwede na rin ito. O at least magkakaro’n na chance ang fans ng dalawa na makita sila sa isang propyekto. ‘Yun nga lang trabaho ito kaya huwag silang umasa na mauuwi ito sa isang romansa. Saka nababalitang may non showbiz na si Derek at plano na raw nitong seryosohin.
Oh ay hala hintayin na lang natin ang mangyayari sa kanila.
Enchong dapat tantanan
Si Enchong Dee naman ang binabash ngayon ng netizens dahil ayaw niyang ilantad ang girlfriend niya in public. Ako rin naman bakit ko ‘yun gagawin? Kaya nga non-showbiz ang pinili niya ay para maging matahimik ang love life niya, tapos gusto nilang guluhin. Hindi na oy!
- Latest
