^

PSN Showbiz

Lovi mohulip ni Carla

Sanden Anadia - The Philippine Star

CEBU, Philippines - Si Lovi Poe maoy gikatahong mohulip kang Carla Abellana sa gibalibaran niini nga serye nga pagabidahan nila ni Dingdong Dantes ug Maricel Soriano sa GMA-7.  Nagpasalamat si Lovi sa iyang mother network gumikan sa pagsalig nga gihatag niini ngadto kaniya. Kahinumduman nga nibalibad si Carla sa maong serye gumikan kay supporting role ra ang gihatag kaniya.

 

Betong mikatawa sa intriga

Gikataw-an lang sa komedyanteng aktor nga si Betong Sumaya ang intriga nga nagkuwestyon sa iyang gender. Suma pa ni Betong nga posibleng nasaypan lang gyud siya nga bayot gumikan sa iyang role sa pipila ka segments sa Bubble Gang.

 

Friends ra diay

Nakugang pag-ayo si Alex Gonzaga sa report nga matud pa iyaha na nga gisugot ang non-showbiz guy nga nanguyab kaniya. Suma pa ni Alex nga dili tinuod ang maong taho ug miklaro nga friends lang sila sa maong lalaki.

 

Glaiza: Dili ko tomboy!

Giangkon ni Glaiza Castro nga pilian lang gyud siya og lalaki busa wala gihapon siya'y uyab karon. Kahinumduman nga si Felix Roco lang ang artista nga na-link kaniya. Gihimakak usab niya ang report nga matud pa usa siya ka tomboy.

 

Dili sure makatambong

Paninguhaon ni Vhong Navarro nga makatambong sa kasal nila ni Karylle ug Yael Yuzon sunod buwan. Nagdepende lang kini kung sugtan ba si Vhong sa iyang doktor nga motikang og mga okasyon gumikan kay padayon pa man nga giobserbaran ang iyang lawas gumikan sa bun-og nga naangkon niini gikan sa kampo ni Cedric Lee.

 

Dili gyud mohilak

Gipaningkamotan ni Regine Velasquez nga dili gyud siya mohilak  samtang gihaya pa ang iyang amahan nga si Mang Gerry aron dili mawala ang iyang tingog sa umaabot nila nga Valentine's Concert ni Martin Nieverra. Suma pa sa singer nga iyang gipahinungod ang maong concert ngadto sa nipanaw niya nga amahan kinsa wala gyu'y absent sa mga nangagi niya nga mga konsyerto niadto.

 

‘Bible study’

Aktibo karon ang negosyante nga si Cedric Lee sa mga bible study. Adunay personal pastor si Cedric nga motikang sa ilang balay. Si Cedric maoy usa sa nalambigit sa pagpangulata ngadto kang Vhong Navarro.

 

Xian gipahimaNgnoan ni Jake

Giangkon ni  Jake Vargas nga wala siya mahimuot sa komedya ni  Xian Lim ngadto sa ka-lookalike ni Kim Chiu nga matud pa susama og dagway sa iyang uyab nga si Bea Binene.  Suma pa ni Jake nga kinahanglan nga tarungon ni Xian pagtrato ang mga babaye. "Hindi maganda ang ganun. Hindi tama. Dapat nirerespeto sila," suma pa ni Jake ngadto sa PEP.

 

Absent sa fight

Dili makatambong si Jinkee Pacquiao sa umaabot nga fight sa iyang bana nga si Manny ngadto kang Timothy Bradley karong April gumikan kay dako na kaayo ang iyang tiyan ug kinahanglan niya ang saktong pahuway.  Nagsabak si Jinkee  sa ikalimang anak nila ni Manny.

 

Ryzza nakadawat og milyones

Gikatahong gihatagan ni Kris Aquino  og P2million nga bonus si Ryzza Mae Dizon gumikan sa partisipasyon niini sa pelikulang My Little Bossings. Matud pa nga nakadawat pud si Ryzza og P5 million nga bonus gikan kang Vic Sotto.

 

Suwerting tuig ni Gwen

Malakip si Gwen Zamora sa usa ka film nga himoon didto sa Indonesia. Mapasalamaton kaayo ang aktres gumikan kay hugyaw ang dagan sa iyang career karong tuiga .  Pasok usab si Gwen sa umaabot nga serye sa GMA-7 ni Max Collins.

 

Nisaka ang endorsements

Moabot na ngadto sa 18 ka mga produkto ang gipang-endorso ni Richard Yap. Suma pa ni Richard nga napun-an ang iyang endorsements sukad siya nilugwa sa seryeng Be Careful With My Heart.

 

Janno molugwa sa TV5

Adunay partisipasyon si Janno Gibbs sa umaabot nga serye ni Ogie Alcasid sa TV5. Wala hinuon gidetalye sa aktor kung unsa ang tinud-anay niya  nga istado sa GMA-7.

 

Album ni Xian nag-una

Ang  album ni Xian Lim nga  So It's You maoy kasamtangang nag-una sa listahan sa labing kusog nga Pinoy music album. Gisundan kini sa album ni Noel Cabangon nga Acoustic Noel.

 

Anne mawagtang sa Showtime!

Gitakda matud pa nga mawagtang si Anne Curtis sa It's Showtime sa ABS-CBN.

Suma pa sa usa ka tinubdan sa Yahoo Celebrity, tinguha matud pa sa Viva management nga kuhaon usa si Anne sa nahisgutang variety show gumikan kay kinahanglan niya nga magbase sa Coron, Palawan para sa taping sa umaabot  niining teleserye, "Dyesebel."

Suma pa nga sunod bulan na gitakda isalida sa ABS-CBN ang remake sa maong Pinoy classic.

Kahinumduman nga nisaad si Anne nga buhaton gayud niya ang tanan para sa Dyesebel  sanglit dugay na niyang pangandoy nga mahatagan og maayo nga role. Paningkamotan pud niya pa nga dili madismaya ang mga tawo nga nisalig kaniya sa maong proyekto bisan pa man sa kontrobersiya nga iyang nalambigitan sa nilabay nga tuig diin nahubog siya ug nanagpa.

Ang taho nga nigawas mao nga si Iza Calzado maoy ibutang isip guest co-host isip temporaryo nga hulip kang Anne sa Showtime.

 

Ellen gibugalbugalan, gisaway!

Gikabuangan sa mga netizen ang tubag ni Ellen Adarna sa usa ka interview kabahin sa iyang reaksyon sa kontrobersiya nga naglambigit kang Vhong Navarro ug Cedric Lee.

Gihinabi siya sanglit gitakda unta siya nga mamahimong leading lady ni Vhong sa usa ka pelikula para sa Star Cinema, apan madelatar una gumikan sa nahitabo sa TV host/actor.

Managhigala usab sila ni Lee.

Ang tubag gyud ni Ellen mao kini:

"The only thing that I have to say is that, like, you know, as a woman, you shouldn't allow things like that, every detail, like even a touch… If you feel violated, you say it out loud. You say it to the person that, 'You can't do this to me.'"

"Why now? Why now in public? You have all the rights. Women have their right to show what we can do. For me, it's like… For me, honestly, Cedric is my friend but I'm sorry…"

Apan giputol-putol sa usa ka netizen ug gihimuan og meme. Gibugalbugalan si Ellen online sanglit sayop matud pa ang iyang grammar, busa maayo pa og nagtagalog na lamang siya. Aduna hinuoy nilaban kaniya ug niingon nga over-acting ra matud pa ang naghimo sa maong meme ug nga kun paminawon gayud ang iyang tubag, rasonabli kini.

Si Ellen nibalhin na sa ABS-CBN gikan sa GMA-7 ug gitakda nga mamahimong leading lady ni JC de Vera sa usa ka teleserye nga giulohan og "Moon of Desire" nga giluto karon sa nahisgutang network. (BANAT NEWS)

 

 

vuukle comment

CENTER

GUMIKAN

IYANG

SIYA

SUMA

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with