Kahaponong mabulokon Bisayang musikang Matam-is

CEBU, Philippines - Nahimangod, nalipay ug nahugyaw ang mga patrons of music, arts and culture nga nitambong sa musical tribute nga gitagbaw gayud sa timeless Cebuano songs nga gi-perform ni Girlie Lapinid-Laspiñas ug sa multi-awarded ug internationally-renowned University of the Visayas Chorale, atol sa “Paghinumdum”, a musical tribute nga gimugna sa magtiayong Jose “Dodong” ug Nena Gullas niadtong Domingo, diha sa nag-inusara nga music museum sa tibuok Pilipinas, ang JRG Halad Museum, pahinungod kanila ni Maestro Mil Villareal ug Queen of Visayan Songs Susan Fuentes.

Si Laspiñas, nga giduyogan sa Mutya Band, mi-awit sa “Nahisulat sa Hangin”, “Ikaw” ug “Hain na ang Saad,” nga puros komposisyon ni Villareal ug gi-perform ni Fuentes.

Matud ni Laspiñas nga hangtud sa kahangturan siya nga magmapasalamaton kang Villareal kay mao kini iyang mentor dihang nagsugod pa siya isip amateur singer sa tuig 1983. Mapasalamaton usab siya kang Fuentes, kay ang naulahi mao ang nagtudlo kaniya kung unsaon ang kinasingkasing nga pagkanta.

Ang UV Chorale, maoy ni-perform sa mga komposisyon usab ni Villareal nga naglakip sa “Bisan sa Damgo Lang,” nga giawit niadto ni Pilita Corales; “Langit ug Yuta,” nga maoy grand prize winner sa 5th Cebu Pop Music Festival; ug “Ikaw ang Langit Ko.”

Isip finale, gikanta sa UV Chorale ang “Awit ni Dodong.” Si Mayor Rama, pinaagi sa hangyo ni Gullas mikanta usab og usa ka Cebuano favorite, ang “Kausa Nabasa ang Tubig” nga mugna ni Allan Jayme Rabaya. Si JRG Halad Museum co-founder Nena Gullas nagkanayon nga si Villareal, Fuentes ug ang ubang Cebuano artists nga mitaliwan na kinahanglan gyung hinumduman. “Even if they left us, we still have to celebrate. This is a tribute to the composers and Cebuano artists. Bahala ug nangawala na sila but kinahanglan nga ato gihapon silang hinumduman,”  matud niya.  Samtang si  Cebu Mayor Michael Rama nagkanayon nga mosuporta ug maghimo og lakang aron mapatuman gayud ang pag-amuma sa Sugbuanong musika ug kultura.

Kini human si The Freeman columnist ug TV Patrol Central Visayas anchor Leo Lastimosa mihagit  ngadto kang Rama ug Bise Mayor Edgar Labella nga hingusgan sa kagamhanan niining dakbayan  pag-amuma, pagpanalipod ug pagpalambo sa Sugbuanong musika ug kultura.

 â€œTo Mayor Rama and Vice Mayor Labella, please, you are in the right position to institutionalize what sir Dodong has started,” matud pa ni Lastimosa sa wala pa giawit ang theme song sa JRG Halad Museum nga mao ang “Awit ni Dodong”. Si Lastimosa maoy nagsulat sa lyrics sa maong awit samtang si Villareal ang mihatag sa musika niini.

Ang maong awit maoy katapusang komposisyon ni Villareal sa wala pa siya mamatay. “I will request my vice mayor (Labella) to come up with a legislation through an ordinance that will institutionalize the preservation of Cebuano culture and music,” nagkanayon si Rama.

Matud niya kay siya  mahiligon man sa pag-awit , wala siya’y rason nganung dili mosuporta niining maong mahinungdanong lakang. “Kay hinganta man ang mayor, maong angayan ra pod nga maghimo kami og lakang para sa kaayohan ug ikalambo sa kantang Binisaya,” ni Rama pa. Dugang pa niya nga ang Sugbo nagkinahanglan og “daghang Dodong  Gullas” para ang Sugbuanong kanta ug kultura mapreserba gayud.

Samtang si Labella sa pakighinabi nagkanayon: “We have to accept the challenge. It is not just a social obligation but also a moral obligation, especially to the younger generations. We have to preserve and promote Cebuano culture and music. I thank Leo (Lastimosa) for reminding me.”

Dungan niini si Lastimosa miingon nga usa sa mga paagi pag-promote sa Cebuano songs, mao ang pagpatukar niini sa mga radio stations. Dugang niya nga base sa Broadcasters’ Code ang matag radio stations kinahanglan magpatukar og upat ka original Pilipino songs (OPM) matag oras.  Apan matud pa niya, nga wala na kini gibuhat sa kadaghanang mga radio stations. “We will look into the possibility of requiring FM stations to play Visayan songs in accordance with the Broadcasters’ Code. I believe that Cebuano is the richest dialect so to speak. This needs to be enriched and preserved for the next generations to come,” matud sab ni Labella.

Dugang niya, nga panahon na aron ang City Council mohimo na pod sa ilang lakang para ang mga paningkamot ug pagsugod ni Gullas sa pagpreserbar sa Sugbuanong musika ug kultura pinaagi sa JRG Halad Museum dili mausik.

Matud ni Labella, nga usa sa mga butang nga himuon sa council mao ang pag-require sa public elementary ug high school students nga mag-study tour sa JRG Halad Museum para aduna sila’y overview sa Cebuano culture and music.  Ang JRG Halad Museum mao lamang ang nag-inusarang museum sa musika dinhi sa Pilipinas.

“Nalipay kaayo ko sa positive feedback ni Mayor Rama ug ni Vice Mayor Labella sa pag-institutionalize sa preservation of Cebuano music and culture, especially the songs, composers and artists. Kay kung dili pod ni mabuhat, mangawala ra gyud ni tanan,” paghangop usab ni Gullas. (BANAT NEWS)