Gov. Vilma ‘nililigawan’ na ni P-Noy sa pagka-bise?
Maituturing na isang malaking papuri para kay Gobernador Vilma Santos-Recto ng Batangas na mapili siya para tumakbong bise presidente sa susunod na national elections sa 2016. Patunay lamang ito ng magandang performance na ginagawa niya ngayon para sa kanyang probinsiya. Mismong si Presidente Noynoy Aquino raw ang nanliligaw sa masipag na pulitiko para pumayag na maka-tandem ni DILG Secretary Mar Roxas.
Wala pang personal na alok kay Gob. Vi ang palasyo kaya wala itong maibigay din na pahayag sa isyu malÂiÂban na lamang sa pagsasabing ipagÂpapatuloy na lamang niya ang kanÂyang serbisyo sa kanyang mga kapÂwa Batangueño at ipamamahala na lamang sa tadhana ang kanyang kapalaran sa pulitika.
Nora umaangat sa pagka-aktres
Kung si Gob. Vi ay patuloy sa kanyang pag-angat bilang isang pulitiko ganun din naman ang kanyang archrival bilang aktres na si Nora Aunor. Kapapanalo lamang nito bilang best actress, muli, para sa pinagsamahan nilang movie ni Direk Brillante Mendoza na Thy Womb. Ang award ay napanalunan ng Superstar sa 3rd Sakhalin International Film Festival sa Russia. Pang-apat na best actress ito ni Nora mula sa international filmfests na sinalihan ng pelikula.
- Latest