Vic Vargas, nagbabalik

Nakakatuwang nagbabalik-pelikula ang isang mahusay na aktor sa katauhan ni Vic Vargas. Gumaganap siyang Raja Humabon sa pelikula ni Lito Lapid na Lapu-Lapu na kasali sa Metro Manila Film Festival Philippines.

"Hindi naman ako nawawala sa sirkulasyon," ani Vic. "Paminsan-minsan ay lumalabas din ako sa TV at sa mga commercial films kapag hindi ako abala sa konting negosyo ko."

Puring-puri ni Vic si Lito sa pagiging mabait nito at pagbibigay-importansya sa mga beteranong artista. "Maasikaso rin siya pati na sa mga maliliit na tao na kasama sa shooting."

Off-camera, ginagampanan ni Vic ang papel bilang asawa ng dating modelo na si Rosanna Zamora. — Dennis Adobas