Gumagala na 3 takas na preso sa Antipolo City, ‘fake news’
MANILA, Philippines — Pinawi ang takot ng mga residente ng Antipolo City sa lalawigan ng Rizal matapos kumpirmahin kahapon ng Antipolo Component City Police na “fake news” ang kumakalat sa social media na may gumagalang tatlong takas na bilanggo na sangkot sa mga kasong homicide, murder at rape.
Nilinaw ng Antipolo CCPS sa isang official statement: “Hindi nagmula sa aming tanggapan at hindi isang opisyal na pahayag ng Antipolo CCPS o ng Philippine National Police.”
“Wala ring sapat at beripikadong detalye sa naturang mensahe upang patunayan ang sinasabing insidente. Dahil dito, hinikayat ang publiko na huwag basta maniwala, mag-share, o mag-forward ng mga mensaheng walang malinaw at mapagkakatiwalaang pinagmulan, lalo na kung maaari itong magdulot ng takot at pangamba sa komunidad,”dagdag pa nito.
- Latest
