2 magkaangkas, todas sa ambush!
COTABATO CITY, Philippines — Dalawang sakay ng isang motorsiklo ang napatay sa ambush sa mataong lugar sa Barangay Damawato sa Datu Paglas, Maguindanao del Sur nitong Martes ng umaga.
Ang insidente ay pang-12 na magkahalintulad na pananambang sa probinsya mula nitong nakalipas na Disyembre 2025, lahat walang naging kalutasan.
Magkaangkas sa isang motorsiklo si Ibrahim Matukan Pigkaulan at kasamang hindi agad kinilala ng mga imbestigador mula sa Datu Paglas Municipal Police Station nang tambangan ng mga armadong kalalakihan na nakaambang sa kanila sa Barangay Damawato.
Si Pigkaulan ay kilalang masigasig na supporter ng anti-narcotics campaign ng pulisya.
Agad na namatay ang dalawang ambush victims, parehong residente ng Datu Paglas, sa mga tama ng bala sa iba’t ibang parte ng kanilang katawan.
Nang makitang napuruhan ang mga target, mabilis na tumakas ang mga salarin, ayon sa mga barangay officials sa Damawato at mga pulis na nagresponde sa insidente, ayon sa mga local officials sa Datu Paglas, isa sa 24 na mga bayan sa Maguindanao del Sur.
- Latest
