Barilan sa Cavite: 1 todas, 2 sugatan!
CAVITE, Philippines — Patay ang isang suspek habang dalawang sibilyan ang.sugatan sa insidente ng pamamaril at nang-hit-and-run ng mga sasakyan na nagsimula sa Bacoor at nagtapos sa Marulas Exit sa Kawit kahapon ng hapon.
Batay sa paunang ulat, hinabol ng mga operatiba ng Bacoor Police ang isang suspek na sakay ng puting Toyota Innova sa hindi pa malinaw na dahilan ng isinagawang hot pursuit operation na nagresulta sa pagkabangga ng ilang sasakyan sa Bacoor.
Nagdire-diretso ang suspek sa Zeus Intersection bago nagtungo sa Marulas Exit, kung saan nabangga nito ang
dalawang residente na taga Barangay Kaingen, Kawit, Cavite at isa mula sa Barangay Tabon 2.
Pagdating sa Marulas Exit, nagkaputukan na ang suspek at mga humagabol na mga pulis ng Bacoor at Kawit. Nagkaroon ng ilang minutong palitan ng putok habang patuloy ang habulan hanggang sa magresulta sa pagkasawi ng suspek.
Kasalukuyang nilalapatan ng lunas ang dalawang residente na sinalpok ng suspek.
Inaalam pa ng awtoridad kung may iba pang nasaktan sa insidente.
Patuloy ang imbestigasyon ng pulisya sa insidente.
- Latest
