Kagawad na astig sa drug dealers, todas sa ambush!

COTABATO CITY, Philippines — Isang barangay councilor na popular sa kanyang lantad na pagsuporta sa police anti-narcotics sa Lambayong sa probinsya ng Sultan Kudarat ang napatay sa ambush nitong hapon ng Linggo.

Sakay ang biktimang si Rolly Omar, kasapi ng barangay council sa Sigayan sa Lambayong, ng kanyang Honda XRM ng pagbabarilin ng mga lalaking nakaabang sa kanya sa Purok Masagana sa Barangay Sadsalan sa Lambayong.

Ang napaslang na si Omar ay popular sa Lambayong at sa mga karatig na bayan sa Sultan Kudarat sa kanyang walang takot, lantarang pagiging matigas sa mga dealers ng shabu at marijuana at sa pagtulong sa mga police anti-narcotics operations sa kanilang bayan.

Galing sa isang pagtitipon sa Purok Olidan sa Sadsalan si Omar, pauwi na kanila sa Sigayan, ng paputukan ng mga salarin na mabilis na nakatakas.

Nagtutulungan ang mga imbestigador mula sa Lambayong Municipal Police Station at mga barangay officials sa pagkilala sa mga nag-ambush kay Omar na nagsanhi ng kanyang agarang pagkamatay.