Dalagang nag-droga sa FB live, timbog!

NAGA CITY, Albay, Philippines — Nahulog sa kamay ng batas ang isang 23-anyos na dalaga na nag-viral sa social media sa Bicol dahil sa pag-live streaming nito habang gumagamit ng droga matapos na masakote sa inilatag na buy-bust operation laban sa kanya sa bahay nito sa Brgy. Cararayan, Naga City, Camarines Sur kama­kalawa ng gabi.

Sinampahan na ng kasong paglabag sa Comprehensive Dange­rous Drugs Act of 2002 ang suspek na itinago sa alyas “Alyssa”, residente ng naturang lugar.

Sa ulat, dahil sa pag-viral ng suspek makaraang mag-post ng live sa kanyang Facebook account habang nagdo-droga ay agad na tinutukan ito at minanmanan ng mga tauhan ng Naga City Police Office.

Makaraang makumpirma ay agad inilatag ng drug enforcement unit ng Police Station 6 ng Naga City Police ang buy-bust operation laban sa dalaga na hindi na nakatakas makaraang arestuhin nang i-abot sa poseur buyer ang biniling droga.

Nakuha mula sa suspek ang walong plastic sachet ng shabu na tumitimbang ng 2-gramo na nagkakahalaga ng 13,600 piso at mga drug paraphernalia.

Nabawi rin ang ginamit na boodle money sa buy-bust.