Mister itinumba sa auction market

CAVITE, Philippines — Pinagbabaril hanggang sa mapatay ng ‘di nakilalang salarin ang isang 35-anyos na mister habang nasa livestock auction market sa Brgy. Poblacion, Padre Garcia, Batangas, kama­kalawa.

Tadtad ng tama ng bala ang biktima na ­kinilala sa alyas na Juls, ­35-anyos, residente ng Brgy. Quilo-quilo South, Padre Garcia, Batangas.

Sa ulat ng pulisya, alas-4:10 ng madaling araw nang maganap ang insidente, kasaluku­yang nasa livestock auction market ang biktima nang biglang dumating doon ang suspek at nilapitan nito ang una bago niya sunud-sunod na binaril.

Matapos ang pamamaril, mabilis na tumakas ang suspek tangay ang ginamit na armas.