Kelot binoga habang nagpapahinga,utas

CANDELARIA, Quezon, Philippines — Apat na bala ang tumapos sa buhay ng isang 35-anyos na binata nang pagbabarilin sa terrace ng kanilang bahay ng hindi nakikilalang salarin kamaka­lawa ng gabi sa Purok 1,Barangay Malabanan Norte sa bayang ito.

Kinilala ng pulisya ang biktima na si alyas ‘Joe’ samantalang patuloy pang nagsasagawa ng follow-up operation ang mga operatiba ng Candelaria MPS upang makilala at madakip ang salarin.

Sa imbestigasyon, bandang alas-7:55 ng gabi ay nakaupo sa terrace ng kanilang bahay ang biktima nang dumating ang suspek at walang sabi-sabing pi­naulanan ito ng ­punglo ng caliber 9MM.

Nang matiyak na patay na ang biktima ay tumakas patungo sa direksyon ng Candelaria-San Juan road ang suspek.