4 supporters ng mayoral candidate, utas sa engkuwentro!

COTABATO CITY, Philippines  - Agad na namatay sa mga tama ng bala ang apat na supporters ng isang kandidato sa pagka-mayor ng Hadji Mohammad Ajul sa Basilan na nakaengkwentro ng mga armadong tauhan ng karibal na kandidato nitong umaga ng Linggo, May 11, 2025.

Inaalam pa ng awtoridad ang pagkakakilanlan ng mga nasawi.

Naganap ang madugong barilan, gamit ang mga assault rifles, sa Barangay Langil sa Hadji Mohammad Ajul, ayon sa ulat ng mga miyembro ng Basilan Provincial Peace and Order Council at ng mga opisyal ng Police Regional Office-Bangsamoro Autonomous Region.

Nagdagdag na ng mga tropa sa Hadji Mohammad Ajul ang Basilan Provincial Police Office at ang 101st Infantry Brigade ng Philipine Army upang mapigilan ang anumang paglala ng karahasan sa naturang lugar.

May direktiba na si Police Brig. Gen. Juan Macapaz, director ng PRO-BAR, sa mga opisyal ng Basilan police force na magpadala ng mga emisaryo na mag-papalayo sa mga naglalabang grupo mula barangay kung saan naganap ang madugong insidente.