Kelot binaril sa batok habang nagse-cellphone, tepok
MANILA, Philippines — Patay ang isang lalaki nang barilin sa likod ng ulo ng isang gunman habang abala sa paggamit ng cellphone sa Antipolo City, Rizal, kamakalawa.
Dead-on-arrival sa pagamutan ang biktimang kinilala lang sa alyas na ‘Michael,’ habang nakatakas naman ang ‘di pa kilalang salarin.
Sa ulat ng Antipolo City Police, nabatid na dakong alas-3:10 ng madaling araw nang maganap ang krimen sa Brgy. Sta. Cruz, sa Antipolo City.
Nauna rito, kasalukuyan umanong abala sa paggamit ng cellphone ang biktima nang bigla na lang lapitan ng salarin at kaagad na barilin sa batok.
Nang maisagawa ang krimen ay mabilis nang tumakas ang salarin lulan ng isang motorsiklo.
Nagsasagawa na ang mga otoridad ng masusing imbestigasyon sa krimen upang maaresto at matukoy ang pagkakakilanlan ng salarin, gayundin ang motibo nito sa pagpatay.
- Latest
