Misis patay sa pagkalunod sa ilog
Overnight swimming ng Easter Sunday
MANILA, Philippines — Patay ang isang misis nang malunod matapos na mag-overnight swimming ng mga kaanak sa isang ilog sa Tanay, Rizal nitong Easter Sunday.
Dead-on-arrival na sa Army Station Hospital ang biktimang si Froilyn Requillas ng Tanay, Rizal sanhi nang pagkalunod.
Lumilitaw sa inisyal na ulat ng Tanay Municipal Police Station na dakong alas-6:00 ng umaga ng Abril 20 nang maganap ang insidente sa Daraitan River, sa Brgy. Daraitan, sa Tanay.
Bago ang trahedya ay nagkayayaan umano ang biktima at kanilang mga kaanak na mag-swimming ng overnight sa Daraitan River. Gayunman, pagsapit umano ng alas-5:00 ng umaga ay naisipan ng biktima na maligo sa ilog.
Laking gulat na lang umano ng mga kaanak nito nang matapos ang isang oras ay makita ang biktima na walang malay at palutang-lutang na sa ilog. Kaagad nilang iniahon ang biktima at binigyan ng CPR saka isinugod sa pagamutan subalit idineklarang patay ng mga doktor.
- Latest
