19-anyos dalaga timbog sa higit P.2 milyong marijuana
CAVITE , Philippines — Arestado ang isang 19-anyos na dalaga matapos na makuhanan ng mahigit sa P.2 milyong halaga ng pinatuyong dahon ng marijuana at liquid marijuana sa inilatag na drug bust operation ng pulisya kamakalawa sa Brgy. San Francisco, Gen Trias City.
Kinilala ang suspek sa alyas “Yumi”, residente ng Bel Aldea Subdivision, Brgy. San Francisco, Gen Trias City, Cavite at kasama sa High Value Individual na target ng pulisya.
Sa ulat ng pulisya, alas-3:55 ng madaling araw nang ikasa ng City Drug Enforcement Unit ng General Trias City Police at Philippine Drug Enforcement Agency (PDEA) ang buy-bust laban sa suspek sa mismong bahay nito sa nasabing subdivision.
Nakuha ng awtoridad mula sa suspek ang may 2,141 gramo ng marijuana na may halagang P256,920 at 6.95 grams ng cannabis oil o liquid marijuana na nasa P10,500 ang halaga, isang weighing scale, isang backpack at drug money.
- Latest
