Kagawad sa Quezon huli sa droga

PITOGO, Quezon, Philippines — Kulungan ang binagsakan ng isang incumbent barangay kagawad matapos na malambat sa isinagawang anti-drug operation ng pulisya sa Sitio Pulong Parang, Barangay Cabu­lihan sa bayang ito, kamakalawa ng hapon.

Kinasuhan na ng paglabag sa Section 5 at 11 ng RA 9165 ang suspek na si Kagawad Cezar Generale, 42, may-asawa, residente ng Brgy. Cabulihan at hindi na tatakbo nga­yong BSKE 2023.

Isinagawa ng mga operatiba ng Municipal Drug Enforcement Unit (MDEU) ang buy-bust operation sa suspek dakong alas-5:25 ng hapon makaraang magpositibo ang kanilang natanggap na impormasyon kaugnay sa iligal nitong gawain.

Nakuha buhat sa pag-iingat ng suspek ang hinihinalang shabu na nagkakahalaga ng mahigit sa P10,000.