Consultant ng San Rafael, Bulacan utas sa ambush
SAN RAFAEL, Bulacan , Philippines — Patay ang 33-anyos na lalaking empleyado ng munisipyo sa bayang ito matapos tambangan at pagbabarilin ng hindi nakilalang riding-in-tandem, kamakalawa ng umaga.
Kinilala ang napaslang na biktimang si John Emerson Parfan, municipal internal affairs consultant ng San Rafael at residente ng Brgy. Tambubong ng nasabing bayan.
Sa report ng San Rafael Police, naganap ang pamamaril dakong alas-7:50 ng umaga sa Cagayan Valley Road sa Brgy. Sampaloc, San Rafael, Bulacan.
Ayon sa report, lulan ang biktima ng itim na Toyota Avanza papasok sa trabaho kasama ang dalawang babaeng pasahero nang tapatan ng tandem lulan ng asul na motorsiklong Mio MXi na walang plaka ang driver side ng sasakyan.
Walang kaabug-abog na pinagbabaril ng tandem suspect ang biktima hanggang sa tumakas sa direksyon ng San Ildefonso.
Agad namang isinugod ang biktima sa Ace Medical Center sa lungsod ng Baliwag para sa paunang lunas subalit binawian din ng buhay kalaunan.
- Latest