Pulis opisyal na sangkot sa pagnanakaw, sibak sa serbisyo
MANILA, Philippines — Isang pulis opisyal ang sinibak sa serbisyo dahil sa pagkakasangkot nito sa isang robbery incident sa Barangay Santiago, General Trias City, Cavite.
Ipinag-utos ni Brig. General Jose Melencio Nartatez, Calabarzon police director, ang pagsibak kay P/Lt. Reynald Afable matapos na mapatunayang guilty sa kasong grave misconduct at conduct unbecoming of a police officer.
Ayon naman kay P/Col. Christopher Olazo, Cavite police officer, na si Afable ay kinasuhan ng criminal kasama ang ilang ex-police officers at mga sibilyan at walang matatanggap na anumang benepisyo sa pamahalaan.
Nabatid na si Afable at 11 pa ay sangkot sa robbery incident na nangyari noong Oct.18,2022 sa Barangay Santiago, General Trias City, Cavite.
Ayon kay Olazo na ang nangyari kay Afable at iba pang pulis ay magsilbing babala sa mga pulis dahil seryoso ang pamunuan na linisin ang hanay sa mga irregularities at illegal activities.
- Latest
