P120 milyong shabu nakuha sa African ‘mule’ sa Cebu
MANILA, Philippines — Deretso sa kulungan ang isang South African national nang lumapag ito sa Mactan-Cebu International Airport (MCIA) matapos mahulihan ng mga otoridad ng illegal na droga kamakalawa ng hapon sa Lapu-Lapu City.
Kinilala ang nadakip na suspek na si Pietro Aliquo, 58, at sinasabing nagbabakasyon lamang sa Cebu.
Sa pinagsamang operasyon ng Philippine Drug Enforcement Agency in Central Visayas (PDEA-7), Bureau of Customs (BOC), National Bureau of Investigation in Central Visayas (NBI-7), Philippine National Police (PNP), at Mactan-Cebu International Airport Authority (MCIAA), naharang nila ang dalawang maleta na dumaan sa x-ray at napansin ang kahina-hinalang laman nito mula South African na dumating sa nasabing paliparan sa pamamagitan ng international flight galing Doha, Qatar.
May timbang na mahigit sa 17 kilo na shabu at nagkakahalaga ng P120 milyon ang nakuha mula sa suspek.
Agad naman sinuri ng mga tauhan ng PDEA ang bawat pakete at lumabas na positibong naglalaman ng methamphetamine o mas kilalang “shabu.”
Inihahanda na ang kasong isasampa laban sa suspek.
- Latest
