1-anyos tepok sa nasunog na bahay
MANILA, Philippines — Nakulong at namatay ang isang taong gulang na batang lalaki mula sa nasusunog nilang bahay kamakalawa ng gabi sa Brgy. Mongpong, Roxas City, Capiz.
Batay sa imbestigasyon ng Roxas City Police, iniwan ni Patrick Denobo, 19, ang anak na natutulog sa kanilang bahay upang sunduin ang live-in partner na si Maricar Vensing, 19, mula sa pinagtatrabahuhang computer shop.
Makalipas ang ilang minuto, naabutan na lamang na nasusunog na ang kanilang bahay. Sinubukan pa ng mga magulang ng biktima at ka-barangay na iligtas ang bata subalit hindi na napasok ang bahay dahil sa laki na ng sunog.
Mabilis na kumalat ang apoy dahil gawa sa light materials ang bahay.
Naapula lamang ang apoy nang dumating ang mga firetrucks ng Roxas City Burea of Fire Protection at narekober ang bangkay ng bata.
Ayon sa Roxas City BFP, posibleng ang naiwang kandila ng ama sa ibabaw ng durabox ang sanhi ng sunog.
- Latest