Fast food crew sa Bacoor, pinabulagta
CAVITE, Philippines — Patay matapos barilin sa ulo ng ‘di nakilalang salarin ang isang 26-anyos na crew ng isang fast food chain habang naglalakad papasok na sana ng trabaho kahapon ng umaga sa Cyber Greenvalley, Brgy. Molino 3, Bacoor City.
Kinilala ng pulisya ang biktimang si Roger Alveri Toretin, 26-anyos, fast food crew at residente ng Brgy. Greenvalley, San Nicolas 3, Bacoor City.
Hindi naman nakilala ang suspek matapos isagawa ang krimen ay mabilis na tumakas bitbit ang baril na ginamit.
Sa imbestigasyon ng pulisya, alas-6:30 ng umaga habang naglalakad ang biktima patungo sa kaniyang trabaho nang lapitan ng suspek at barilin ng malapitan sa ulo sa may Cyber Greenvalley, Brgy. Molino 3.
Duguang tumimbuwang ang biktima habang mabilis na tumakas ang salarin matapos ang pamamaril.
- Latest