No. 1 most wanted na NPA lider, nadakip
MANILA, Philippines — Nalambat nang pinagsanib na mga operatiba ng PNP at AFP ang itinuturing na ranked number 1 Regional Level Most Wanted Person na lider ng rebeldeng grupong New People’s Army (NPA) na nahaharap sa kasong attempted murder, kamakalawa sa Barangay Anoling, Gener Nakar, Quezon.
Ayon kay PCol. Ledon D. Monte, Quezon Police Provincial Office (QPPO) Director, ganap na alas 4:00 ng hapon nang maaresto ang akusadong si Christopher Avellaneda Avellano, alyas Nelson/ Toro, may posisyon sa Communist Terrorist Group (CTG) bilang Squad Leader ng Platoon 2 (YGM) at residente ng Pinamaypayan,Brgy.Umiray, General Nakar, Quezon.
Ang pag-aresto kay Avellano ay sa bisa ng Warrant of Arrest na may criminal case number 2021-221-1 na inisyu ni Hon. Judge Marylou P Menses, Acting Presiding Judge of RTC Br 65, Infanta, Quezon na inilabas noong ika-26 ng Oktubre 2021 na nagpapataw ng P120,000.00 piyansa para sa pansamantalang kalayaan.
Batay sa ulat, nangyari ang pagkakasangkot ng suspek sa krimen noong April 28, 2015 kung saan ay nagkaroon ng encounter incident na nangyari sa Brgy. Mahabang Lalim, General Luna, Quezon.
Ang matagumpay na pagkakaaresto kay Avellano ay resulta ng isang pinaigting at aktibong pakikipag-ugnayan sa pamayanan sa pamamagitan ng Community Mobilization Program (CMP) at Barangay Intelligence Network (BIN).
- Latest
