Lola pisak sa backhoe

MANILA, Philippines — Namatay habang nilalapatan ng lunas sa ospital ang isang 64-anyos na lola matapos na masagasaan ng backhoe habang naglalakad,kamakalawa ng gabi sa Barangay Tibig Road, Silang, Cavite.

Kinilala ang nasawi na si Laura Dequena Evangelista, residente ng nasabing barangay.

Sa ulat ng pulisya, bago naganap ang aksidente, alas-7:00 ng gabi ay naglalakad ang biktima galing sa tindahan at pauwi na sa kanilang bahay nang ito ay masagasaan ng backhoe na minamaneho ni Jackson Movilla Lacandola, 42,residente ng Sitio Ibayo, Brgy Tibig Silang, Cavite.

Ayon sa suspek na madilim ang lugar at hindi umano napansin ang matanda na naglalakad.Kinasuhan na ito ng reckless imprudence resulting to homicide.