Gulong ng SUV pumutok: Mag-utol at lady trader, dedo

MANILA, Philippines — Patay ang magkapatid na estudyante nang araruhin sila ng SUV na naputukan ng gulong na ikinasawi rin ng babaeng negosyanteng sakay nito, kamakalawa ng hapon sa Kabacan, Cotabato.

Dead-on-the-spot ang mga biktima na nakilalang sina Jomar at Marissa Damanda, kapwa­ residente ng Brgy. Pedtad, Kabacan, Cotabato habang hindi naisalba ng mga doktor ang buhay ng negosyanteng sakay ng SUV na si Alawiya Manda, 82-anyos, at resi­dente ng Dagook, Lumbatan, Lanao Del Sur.

Nasa kustodya naman ng pulisya ang dri­ver ng SUV na Toyota Rush na si Najeb Tarati­ngan Macapagal, 26, may asawa, at residente ng Pagamatan Linuk, Tamparan, Lanao del Sur.

Sa imbestigasyon ng Kabacan Traffic Police, dakong alas-3:25 ng hapon, kapwa binabagtas ng motorsiklo at SUV ang national highway ng Sitio Basak sa Brgy. Kayaga, Kabacan nang bigla na lamang pumutok ang gulong ng SUV na minamaneho ni Macapagal kung saan sakay nito si Manda.

Bunsod nito, inararo ng SUV ang motorsiklo ng magkapatid sanhi upang sila ay tumalsik at magtamo ng matinding pinsala habang sumalpok naman sa bakal na barrier ang SUV na ikinasawi ng sakay nitong matandang negosyante.

Inihahanda na ng pu­lisya ang kasong reckless imprudence resulting­ in multiple homicide laban kay Macapagal.