Motor tumalon sa creek, rider lasog
LAGONOY, Camarines Sur, Philippines — Nagkalasug-lasog ang katawan ng isang 59-anyos na rider matapos na mahulog ang minamanehong motorsiklo sa creek sa Zone-5, Brgy. Agcata ng bayang ito kamakalawa ng gabi.
Sinubukan pang isugod sa Partido District Hospital pero hindi na umabot nang buhay ang biktima na kinilalang si Augusto Lovete Rivero, may-asawa, residente ng Brgy. Sta. Maria, Lagonoy, Camarines Sur.
Ayon sa ulat, dakong alas-9:45 ng gabi habang binabagtas ng biktima lulan ng Yamaha Sniper 135 ang kahabaan ng highway nang biglang mawalan ito ng kontrol sa motorsiklo hanggang sa diretso itong mag-dive sa may sapa sa tabi ng kalsada.
Walang malay at duguang isinugod ng mga rumespondeng residente at awtoridad ang biktima sa pagamutan pero idineklarang dead-on-arrival.
- Latest
