Pahinante tumalon sa trak natigok
LEGAZPI CITY, Albay, Philippines — Nabasag ang ulo ng isang pahinante matapos tumalon sa sinasakyang trak na nawalan ng preno sa kahabaan ng Sabloyon Road ng lungsod na ito, kamakalawa ng umaga.
Dead-on-the spot dahil sa matinding pagkabagok ng ulo ng biktimang si Erwin Mabag Cabigayan, 32-anyos, truck helper, residente ng Brgy. Laygayon, Pinabacdao, Western Samar.
Sa ulat, alas-9:40 ng umaga mula sa Ligao City ay binabagtas ng Mitsubishi Fuso Truck (EVB-907) na minamaneho ni Alfie Montalbo Perdigones, 29-anyos, residente ng Brgy. Sta.Cruz, Polangui ang kahabaan ng highway para magdeliber ng poultry supply. Gayunman, habang binabagtas ang kalsada biglang naramdaman ng driver na nawalan ng preno kaya inutusan nito si Cabigayan na tumalon at lagyan ng kalso ang gulong para tumigil ang trak.
Pero nawalan ng balanse ang biktima sa kanyang pagtalon sa umaandar na trak kaya bumagsak ito sa kalsada na una ang ulo.
- Latest
