11 mangingisda nasagip sa lumubog na Bangka

ZAMBOANGA CITY, Philippines — Labing-isang mangi­ngisda ang nasagip ma­­tapos lumubog ang ka­nilang bangka nitong Miyer­kules ng gabi dahil sa sa­ma ng panahon, ayon sa Philippine Coast Guard (PCG).

Ang fishing boat na F/B Jaya na may lulan na  11 mangingisda kabilang ang skipper, mula sa Pagadian City, Zamboanga del Sur ay naglalayag nang hampasin ng malakas na alon, alas-10:00 ng gabi sa pagitan ng Tic­tabon Island at Barangay Mampang.

Mabilis na nagsaga­wa ang coast guard ng search and rescue ope­rations ma­tapos makatanggap ng tawag mula sa re­­si­dente ng Baran­gay Mampang.

Dalawa sa biktima ay agad na nasagip nang sila ay lumangoy na na­ki­ta ng mga alertong Phi­lippine National Po­lice Maritime Unit 9 (PNP-Ma­ritime).

Ang dalawang unang nasagip ay nagtamo ng mga galos matapos ang kanilang bangka ay hi­nampas ng malakas na alon na kung saan ti­­na­­ngay ang 9 nilang ka­sama.

Nagdeploy ang PCG search and rescue team at nasagip ang 4 iba pasado alas-10:20 ng gabi at ilang oras ang lumipas ay natagpuan ang limang iba pa na nasa ibabaw ng bangka nilang tumaob malapit sa shoreline ng Barangay Mariki.