Bukidnon massacre: 5 magkakaanak patay!

2 bahay pinasok, 3 suspek arestado

MANILA, Philippines — Karumal-dumal ang sinapit na kamatayan ng lima katao, habang isa pa ang sugatan nang pasukin ng armadong kalalakihan ang kanilang mga bahay sa­ka sila pinagbabaril at pinagtataga kamaka­lawa ng umaga sa Lantapan, Bukidnon.

Sa inisyal na ulat ng Lantapan Municipal Police, unang pinasok ng anim na suspek ang bahay na pagmamay-ari ng isang Mael Lugnasan sa Sitio Kiabacat, Brgy. Songco, Lanlatan. Dito ay walang habas na pinagbabaril ng mga suspek ang nasa loob ng bahay at nagresulta sa pagkamatay ng apat na magkakamag-anak kabilang ang isang me­nor-de-edad.

Nakaligtas naman ang may-ari ng bahay na si Lugnasan pero may tama ng bala sa ti­yan.

Matapos ito ay nagtungo naman sa ka­ta­bing bahay ang mga sus­pek at dito naabutan si Daniel Lugnasan na pinagtataga naman ng mga suspek.

Sa isinagawang hot pursuit operation ng pu­lisya, tatlo sa mga suspek na hindi pa pi­na­nga­­lanan ang na­aresto habang pinaghahanap ang tatlong iba pa.

Ayon sa Lantapan Po­lice, posibleng away sa lupa ang motibo sa krimen.