Antique niyanig ng 4.1 magnitude na lindol
MANILA, Philippines — Niyanig ng magnitude 4.1 na lindol ang Antique kahapon ng umaga.
Ayon sa Philippine Institute of Volcanology and Seismology (Phivolcs), dakong alas-11:15 ng umaga nang tumama ang lindol at ang sentro ng pagyanig ay nasa may 011 kilometro ng timog silangan ng Anini-y, Antique.
Ayon sa Phivolcs, tectonic ang origin ng lindol at umaabot sa 017 kilometro ang lalim ng lupa ng naturang lindol.
Bunsod nito, naramdaman ang pagyanig sa lakas na Intensity 4 sa Anini-y, Antique at Intensity 3 sa Tobias Fornier, Antique.
Wala namang inaasahang aftershock at wala ring naiulat na pinsala dulot ng lindol.
- Latest