Pulis na AWOL inaresto sa kasong pagpatay

CAMP OLIVAS, Pam­panga, Philippines — Isang da­ting pulis na natanggal sa serbisyo dahil sa Absence without official leave (AWOL) ang dinakip sa kanyang hide out sa Sto. Domingo, Nueva Ecija, matapos ilabas ang warrant of arrest sa kasong murder.

Batay sa ulat na nakarating kay P/Col. Richard Caballero, Nueva Ecija police acting provincial director, na ang suspek ay kinilalang si dating Police Staff Sergeant Edgar de Guzman, 52, ng Barangay San Isidro, Zaragosa, Nueva Ecija na inaresto sa bisa ng warrant of arrest sa kasong murder na inisyu ni Judge Ana Marie Joson-Viterbo, presi­ding judge of branch 24 Regional Trial Court Cabanatuan City at walang inirekomendang piyansa. Nakakulong na ang suspek sa Sto. Domingo police.