Indian national, utas sa ambush
MANILA, Philippines — Isang Indian national ang nasawi nang tambangan at pagbabarilin ng hindi kilalang lalaki sa Rodriguez, Rizal, kamakalawa.
Dead on the spot ang biktimang si Gursewak Singh bunsod ng tinamong mga tama ng bala sa iba’t ibang bahagi ng katawan. Tumakas naman ang suspek matapos ang krimen.
Batay sa ulat ng Rodriguez Municipal Police Station, alas-8:30 ng umaga nang maganap ang krimen sa Block 26, Phase 1A, Kasiglahan Village, Brgy. San Jose, Rodriguez, Rizal.
Nauna rito, sakay ang biktima ng kanyang kulay asul na Honda Beat motorcycle na may plakang 205 DKJ, nang biglang sumulpot ang suspek at kaagad siyang pinagbabaril sa iba’t ibang bahagi ng katawan bago mabilis na tumakas.
Inaalam pa ng mga otoridad ang pagkakakilanlan ng suspek, gayundin ang motibo sa pagpatay.
- Latest