Lola dedbol sa bato ng utol

MANILA, Philippines — Nasawi ang isang 61-anyos na lola matapos tamaan ng bato sa dibdib na ipinukol ng kanyang kapatid sa bahay sa Brgy. Pug-os, Sinait ng lalawigang, Ilocos Sur.

Ang biktima na idi­nek­larang dead-on-arri­val sa ospital ay kinila­lang si Estrella Isaac, biyuda.

Sumuko naman ang suspek na si Jessie Mangrubang, 53, may-asawa, kapatid ng biktima.

Sa salaysay ng anak ng biktima, bandang alas-8:30 ng gabi, habang nasa loob ng kuwarto ang kanyang nanay ay dalawang beses umanong binato ng suspek ang kanilang bahay at isa sa mga inihagis na bato ay tumama sa biktima.

Lumalabas sa imbestigasyon na mayroong hindi pagkakaintindahan ang magkapatid na nagresulta sa pamamato ng suspek sa bahay ng biktima.