2 ‘tulak’ timbog sa P68 milyong shabu buy-bust
CAMP VICENTE LIM, Laguna – Dalawang hinihinalang tulak ng illegal na droga ang naaresto matapos silang makumpiskahan ng shabu na nagkakahalaga ng mahigit P.6-milyon sa isinagawang buy-bust operation ng pulisya sa Batangas City.
Kinilala ni Col. Glicerio Cansilao, Batangas police director, ang suspek na si John Christopher Abulencia, alias “Ian”, 34-anyos, at kanyang kasamang tricycle driver na di tinukoy ang pangalan.
Ang dalawa ang dinakma matapos nilang pagbentahan ng dalawang plastic sachet ng shabu ang isang undercover agent na umaktong poseur buyer sa operasyon sa Barangay Balagtas, noong Sabado dakong alas-7:45 ng gabi.
Nasamsam sa mga suspek ang dalawang pirasong malaking plastic na naglalaman ng mahigit kumulang na 100 gramo ng shabu na nagkakahalaga ng P680,000, isang brown paper bag, buy-bust money na P200,000, isang cellular phone, pulang casing taped, body bag color gray taped at P350 cash.
- Latest
