Kagawad pinasok sa bahay, itinumba!
LIBON, Albay, Philippines — Dead-on-the spot ang isang 76-anyos na barangay kagawad matapos pasukin at pagbabarilin sa loob ng kanyang bahay sa Zone-1, Brgy. Villa Petrona ng bayang ito kamakalawa ng gabi.
Napuruhan ng punglo sa iba’t ibang bahagi ng katawan dahilan ng agarang kamatayan ng biktimang si Dominador Goronal Oliveros, residente at incumbent kagawad ng naturang barangay.
Sa ulat, dakong alas-8 ng gabi habang nanonood ng telebisyon sa loob ng kanyang bahay ang biktima nang pumasok ang hindi nakilalang lalaki na armado ng hindi malamang kalibre ng baril at walang kaabug-abog na pinagbabaril ang kagawad.
Mabilis na tumakas ang gunman matapos ang pamamaril.
Patuloy sa imbestigasyon ng mga pulis sa insidente upang matukoy ang salarin at motibo sa pamamaslang sa biktima.
- Latest